婆婆住郵筒???

我5歲時第一次全家去日本玩, 回來香港後好勤力叫阿媽教我日文, 寫信俾在日本的婆婆!

每次把信封放入紅色的郵筒(殖民地時是紅色既), 我都好奇怪, 日本點解會在郵筒內? 如果日本在郵筒內, 咁婆婆就縮成好小好小, 都住在郵筒內???

我百思不得其解左好耐好耐~ 至有一次見到有郵差叔叔打開個郵筒把一堆信放入麻包袋, 我好震驚! 咩內面咁樣架??? 咁我封信點樣去日本架??? 我好擔心...

小朋友真係有好多心事架! 不過, 唔知係咪以前D小朋友蠢D, 我又覺得今天的小朋友唔會為呢D野擔心...有EMAIL麻, 阿爺阿婆一定在幾分鐘內回覆乖孫, 邊有時間讓小朋友擔心呢???