土瓜灣塌樓!

公司在土瓜灣附近, 昨午聽同事午飯回來說,  食飯時有人大聲話土瓜灣塌樓,  我們都說"塌樓? 塌簷蓬係咪呀?"  ... 之後另一個同事剛由塌樓現場旁下車,  打電話來說 "大件事喇, 呢度塌樓呀, 半間樓唔見左!"  我們才相信真係成層樓塌下來!

之後,  網上就開始播消息了 !

我家因為深受樓上多位不同業主裝修所害,  漏水問題持續 !  雖然終於把天花批了再補, 但始終石屎都被滲濕過,  補了都是脆弱 !   我家向業主立案法團反映,  可否監督各業主裝修,  他們又說不可能 ~  很多業主都很不自律,   把家裡拆牆起地,  或像我樓上般鑿洞上天台,  在客廳中拉水喉做酒吧,  無其不有 !   很多人把浴缸拆去轉企缸,  又弄至地台漏水,  這樣拆來拆去影響大廈結構,  滲水加速石屎老化,  真的非常有問題！　最慘，這是大勢，要等到死人塌樓，先會有人驚覺。。。係WOR, 大廈其實都好脆弱JA WOR !

各家自掃門前雪本來是只不顧別人,  但我們連門前雪都不掃, 就大家一起被活埋了 !

希望這事引起大家對裝修的反思, 是否什麼牆/地板都非拆不可呢?   及,  希望政府延後高鐵興建,  真的認真查清楚,  舊區地下建隧道的風險有多高,  有什麼應變措施?   還有對新界地下水, 濕地的影響有多大?   不要出事了才說 "哎呀, 好難過,  會徹查,  會避免同類事件發生 !"

大麻

香港為了禁毒驗毒吵吵鬧鬧, 十分低能 !

政府的禁毒宣傳成功地把香港的學生打成是索K的一群, 真是好慘! 成年人的對話是: "依家D學生唔吸毒就已經好好架喇 !" 嘩, 我心想你已經假設99%學生都吸毒, 你找到那1%不吸毒就好好喇 !

政府有意無意宣傳毒品, 其實更加助長毒品活動 ! 推行的政府人員, 以為自己一片好心為學生, 也可能只為打好份工, 但最根本的原因 --- 誰在製毒, 宣傳, 運輸, 銷售 無人講 ! 做生意的都知道, 賣一樣東西不是這麼容易, 即使你的產品很吸引, 你也要宣傳, 要運輸, 要有銷售渠道, 最重要你要有人保護你的網絡, 以免生意被搶走 ! 有什麼人可以在"法治"的香港, 什至歐美, 把這"非法"的生意弄得這麼有聲有色???

少部份索K的學生, 是這賺錢網絡的消費者之一, 他們付出的金錢, 落在誰人的口袋?

如果政府真心要幫忙學生, 為何不跟他們說毒品的來源 ? 毒品如何製造 ? 在那裡製造 ? 如何入境? 為何毒品會流入學校, 娛樂場所等? 焦點為何只落在"索K的壞學生" 身上? 為何要驗他們的身體, 而不是驗售賣者的身體 ?

毒品之一的"大麻", 其實只是非常易種的植物, 我太婆都有在日本種植 ! 只要在網上查一下, 大麻的功用很廣, 可以用來做麻繩, 麻布, 紙張, 製藥等等 ! 因為易種, 生長速度很快, 因此大麻的價格非常便宜 !

到了20世紀, 大麻就開始淪為"毒品", 在全世界開始推行了大麻為非法植物的法律, 不得私下種植 ! 到我們的一代, 都是聞大麻色變, 大麻是壞東西的思想深深入了我們腦海中 !

為何要把大麻禁絕 ? 有很多研究指, 大麻是會讓人有飄飄的時空錯覺, 但毒性比香煙還少, 運用適當還有治療功效 ! 生長快的大麻用來做紙, 也可以減少樹木砍伐 ! 禁絕是因為大麻太容易種植, 用途太廣, 價錢便宜, 無法變成一門賺大錢的生意, 所以禁絕 ! 植物沒有專利, 誰人都可以種可以賣, 有什麼稀罕 ? 但禁了之後, 要種植大麻就要申請牌照, 也會把價錢拉高 !

大麻是神聖的植物, 因此日本的廟宇都用麻繩作繩結, 掛起作裝飾聖物; 日本名字也有很多時用"麻"字的: 麻生, 麻衣子, 麻美子等等 !

我覺得政府與其禁毒, 不如多D跟學生直接面對毒品, 毒品是如何製成? 誰在生產 ? 誰在賺錢 ? 毒品的禍害, 食個個清楚過你係咪 ? 唔洗成日在電視"宣傳"十五分鐘去一次廁所 !

如果政府唔肯講賣毒的既得利益者是誰, 我會懷疑政府都有利益衝突LOR！

2010 新年願望

WAKAKA ! 2010年到左喇, 有D人會同我講, 佢地新一年想學呢樣個樣, 想減肥, 想進步, 多數又問我有無咩願望, 通常我都口啞啞既, 因為我唔係太知道點樣許願好!

我發覺西方文化是好鐘意LIST野的, 細個時移左民的親朋, 都有NEW YEAR RESOLUTION, 什至平時的日子都有一串TO DO LIST ! 好勁, 例如:

New Year Resolution
Lose Weight
Find a new job with salary above $XXX
Look for new home
Find a boyfriend/girlfriend
get married
adopt a child
Spend more time with parents
Control monthly budget
Quit smoking/ drinking
Quit Facebook
Quit MySpace
Blog once a week at least
Pray daily for world peace
Travel to Europe, Asia, Mexico ...
Go to gym twice a week
Donate blood once this year

To Do List
Buy Shampoo, toilet paper
Present for friend
Watch TV show at 8pm
Call XXX for dinner appointment on XXX
Pick up laundry
appointment with doctor on XXX
Cancel appointment with XXX on XXX
have lunch with parents at least once a week
Go to gym this weekend
Buy DVD XXXX

我成日覺得佢地好勁, 好似好有計劃咁 ! 但其實我小學時曾經許過新年願望, 個遠景好宏偉既, 但下一個新年來到要再許願時, 我發覺我完全想不起我前一年許過D咩??? 之後我醒覺, 以後都唔好有新年願望喇! 因為我第二日就會唔記得!

尤其呢幾年地球轉得咁鬼快, 一年差不多是古代的千年, 嘩, 環境變人又變, 我都是寧願隨遇而安, 隨機應變, 隨波逐流, 隨心所欲, 隨侍在側, 隨傳隨到喇 ! HAHA！

所以我又是無新年願望既！　KAKA！　:P

HAPPY NEW YEAR！ :D